Khulu Para Itu 3rd North East Games Volleyball (Men’s) Laga Opening Ceremony Grace Kurishey

March 18, 2024 : Itu Nagaland Volleyball Association para organize kuri kena, itu Nagaland Olympic Association laga aegis under tey, itu 3^rd North East Games 2024 Volleyball (Men’s) laga opening ceremony organize kurishey, Shooting Complex tey, Chumoukedima tey, 19^th March, 2024 tey.

Itu opening ceremony tey grace kuri kena, tatey Special Guest buhi kena, Advisor & Former President Nagaland Volleyball Association – H.K Khulu, IAS (Retd) para state kurishey ki, North East toh hoiley itu country laga part asey, kuntu toh hoiley lack kuri asey, sports infrastructure laga terms tey, olop bishi saal agey para, moi khan dikhi kena ahishey, itu games khan laga quality toh improve hoishey. Tai para inform kurishey ki,, North East toh hoiley 3.1 % asey, itu country laga pura population laga tey aru 2016 contingent laga record tey, itu NE laga toh hoiley 7% thakishey, kuntu toh hoiley remarkable asey. Moi khan logotey bishi sportsperson khan asey, kun khan toh hoiley excel hoishey, khali national level tey he nahoi, hoilebi international level tey bhi, kuntu para dikhai ki, moi khan toh aru bhi bishi achieve kuriboley paribo, sports laga powerhouse hisap tey.

Tai para itu participants khan ke encourage kurishey, strive kuriboley excel kuriboley, tai khan laga naam khan dhaliboley firm para national & international level tey, Kiley koiley tatey eku reason nai moi khan success nahoboley laga. Aru itu logotey, tai para koishey ekjon manu toh hoiley thrive kuriboley lagey aru overcome kuriboley lagey hoilebi equality toh hoiley bishi jaroori asey, keneka ekjon  toh participate kurey, keneka tai khan laga hosa sportsmanship toh shine kurey. Itu toh hoiley khali jeeta aru prize possession he ekla nahoi hoilebi, itu participate kuria laga spirit asey, kuntu toh hoiley agey bhi shine hoi kena jabo, tai para koishey.

Last phaney tai para state kurishey ki, Sports toh hoiley ekta medium asey kuntu para toh moi khan eke hoboley parey. Itu nimitey tai para sob participate kuria laga team khan ke urge kurishey, itu fair play laga value toh uphold kuriboley, tai khan laga best diboley koishey, passion para compete kuriboley koishey, aru unity aru uniqueness laga spirit embody kuriboley.

Tai laga presidential address tey, NCA, N. Jacob Yanthan para express kurishey keneka tai honour thaka laga feel kurishey, itu incredible talent aru sportsmanship witness kuria toh, kuntu toh hoiley itu court khan tey display kuria shuru hoishey March 19^th para 23^rd tak. Tai para state kurishey ki, volleyball toh hoiley khali ekta takot aru agility laga game ekla nahoi, hoilebi coordination laga dance aru teamwork aru strategy laga test asey.