Mumbai, 16 January : Bollywood laga heartthrob Sidharth Malhotra aji tai laga 41 number birthday celebrate kori ase. Rati 12 baje lagar pora fans aru friends khan social media te actor ke bisi bhal paai love shower kori ase. Itu birthday tu Sidharth karone bisi special ase, kilemane itu tai laga baba hoi jaikar pora prothom birthday. Itu saal Sidharth tai laga din tu tai laga bhal paai thaka wife Kiara Advani aru tai khan laga daughter Saraayah logote celebrate kori ase, jun last saal July mahina te duniya te ahise. Etia Kiara Instagram te Saraayah laga papa karone bisi cute birthday wish drop kori dise, aru amik Sidharth laga midnight birthday celebration laga ekta jhalak dikha dise.
Tai laga husband Sidharth Malhotra ke happy birthday wish kori, Kiara Advani likhi dise,
“Saraayah laga favourite human aru sob pora sundor ekjon – bhitor pora bahir tak 😍❤️ Etia bhi tumar uporte crush kori ase. Etia amar chotu tu bhi 😌❤️ Happy Birthday, husband 😘.”
Itu heart-touching wish logote, Kiara Sidharth laga ekta photo bhi share kori ase, jun te tai pura swag logote pose kori ase, aru tai laga birthday cake laga ekta snap bhi diya ase. Cake te likha thaka ase – “Happy Birthday Love. Saraayah’s papa. Daddy cool.”
Tar pisot, Sidharth laga kali rati laga birthday party pora ekta adorable candid moment bhi diya ase, juntu te Kiara birthday boy karone Baar Baar Din Ye Aaye – Happy Birthday To You gaai thaka dikha jai.
Background te Karan Johar aru Manish Malhotra ke Kiara ke cheer kori thaka dikha jai, aru Sidharth tai laga singing huniki shy hoi blush kori ase. Comment section te ekjon social media user likhi dise, “Ki laga favourite man pora Saraayah laga favourite human hoi jaikar tak – bisi door ahise Sid ❤️ Happy Birthday ❤️.” Ekjon aru netizen likhi dise, “Happy Bday Sid aru Kiara, tumar singing bisi sundor ase.”
Ekta comment te likha thaka ase, “Aji internet te sob pora wholesome jinish 🥹❤️🏡🧿,” aru ekjon aru koi dise, “Itu karone wait kori thakise! Dekhi-dekhi ‘aww’ bon nai thama. Tai laga singing bisi amazing ase! Caption tu bisi sweet!! Itu post tu pura AWW… 🥹💛🧿.”
Ami Sidharth Malhotra ke tai laga birthday te sob dhoron laga bhal paawa aru khushi wish kori ase. 🎂🎉
Add Comment