India, 24 June 2025: Kiara Advani juntu famous actress Meena Kumari laga biopic te role lobole pare. Age te Kriti Sanon laka naam ahishe ki tai biopic te acting kuribo pare. Kintu etia latest report hisap te Kiara ke approach kori kina ase aru tai seriously bhabi thaki ase etu role karne.
Source laka kotha hisap te Kiara ke biopic laka pura story bujai dishe. Tai story bhal paishe, kintu etia tak tai contract sign kura nai. Film bana thaka manu khan bhabi ase ki Kiara hi perfect ase, karon tai laka look aru acting sob thik ase.
Meena Kumari, juntu “Tragedy Queen” hisap te jana jai, Hindi cinema te ekta dangor actress thakishe. Tai bhal bhal film khan te kurishe juntu ase Baiju Bawra, Parineeta, Sahib Bibi Aur Ghulam, Kaajal, aru Pakeezah. Tai laka emotional acting karone manu khan bishi bhal paishe. Tai char bar Filmfare Best Actress award paishe aru 38 sal te mori jaishe.
Meena Kumari laka life story laka right Sidharth P. Malhotra, Saregama, aru Kamal Amrohi laka family (juntu Meena Kumari laka husband thakishe) loi luishe. Biopic to already bishi manu laka interest ulai di ase.
Jodi Kiara etu film to loile, to etu hobo pare tai laka first film pregnancy pisot. Kiara aru tai laka husband Sidharth Malhotra February te announce korishe ki tai khan bacha expect kori ase. Kiara aru duita film, War 2 aru Toxic te bhi ahibole ase.
Add Comment