February 14, 2025, 08:18 PM:
Ekta dangor jui laigishey, Kigwema bosti laga jungle ekta tey, Thursday laga fujur tey, kuntu toh hoiley numaboley parishey, local youth volunteer khan, farmer khan, aru bosti laga authority khan milai kena.
Kigwema Village Council chairman, Balie Kire, para confirm kurishey ki, bosti manu khan juldi para action loa karney itu jui dangor juli kena jai thaka ke rukhaboley parishey, particular para alu-kheti kuria manu khan para. Itu volunteer khan para jungle khan kati-kati dishey itu jui toh aru agey nabariboley karney. Itu jui kuntu toh hoiley 10:00 AM aru 11:00 AM majetey shuru hoa laga thakishey, Japfü Christian College laga north phaney para, itu toh bishi juldi para bari jai thakishey, Mt. Shürho phaney hoi kena, afternoon tak tey, hawa joor mara para aru shukha ghaas khan thaka para.
Firefight kuria team khan dikdari paishey, itu fire ke access kuriboley, raasta biya thaka para, tai khan opai nathaki kena wapas ghuraboley lagi kena, kiley koiley fire truck khan toh itu jaga tey jaboley napari kena, Kire para koishey.
Add Comment