New Delhi, June 21 : Lakshya laga ‘Kill’ film tu theatre te July 5, 2025 te release hobole asey. Etu film tu ageyte Toronto Film Festival te premiere hoisey aro ekdam bhal kahani aro action scene nimitey film ke judge kora manu khan laga side para tariff paisey. Karan Johar para support kora etu film nimitey ekta khas commando laga role play kuribole nimitey Lakshya tu lamba fitness training loisey.
Lakshya tu ekta homoitey high school te thaka time te ekta champion wrestler thakisey. Tai tu etu action para bhorta thaka film ‘Kill’ te ekta khas commando laga role kuribole nimitey nijor ke bodli kuridibole laga raah te jaisey. Lakshya patra 8-9 months nijor ke mondikina jordar training te lagaidisey. Aro tailaga performance ke behtar banabole nimitey tailaga wrestling background laga istamal kurisey.
Etu shakt tayari para taikey khali ekta alag alag role te fit hobole para actor banaidiya hey nohoikina tai para etu role te hosa te bi gusibole nimitey mehnat kora bi dikhai asey.
Tailaga journey ke yaad kurikina Lakshya para koisey, “Etu pura journey te, jitya ami para suruwat tu 17-18 years thaka homoitey ekta wrestler hoikina kurisey. Ami school te thaka homoitey wrestling kuri thakisey. Aro etu film laga shooting kuri thaka homoitey bi amikhan lagatar 8-9 months lagatar training kurisey. Toh, hoi etu film nimitey bisi training kurisey.”
Etu film te Raghav Juyal tu gunda laga role kuri asey.
Etu film ke Nikhil Nagesh Bhat para direct kurisey. Aro Karan Johar, Guneet Monga Kapoor, Apoorva Mehta aro Achin Jian para milikina produce kurisey.
Add Comment