Kineka ekta ₹5 Crore Indie Film Bhal Star Nathakile Bhi Sobse Dangor Indian Film Hobo Parishe

India, 29 June 2025: 1990s pora, Shah Rukh Khan to overseas te sobse dangor Indian star hoishe. Tai laka film khan, jemon Dilwale Dulhania Le Jayenge, My Name is Khan, aru Jawan US aru Europe te bhal pora kaam korishe. Aamir Khan bhi China te bishi famous hoi jaishe. Kintu 2001 te ekta chotu indie film sobke surprise kori dishe.  ₹5 crore te bana, aru ekta bhi dangor star nathakile bhi, Monsoon Wedding etu time te highest-grossing Indian film overseas hoishe. 2000 te, screenwriter Sabrina Dhawan ekta Delhi te thaka ekjon Indian family laka story likhi thakishe,New York te pora thaki time te. Director Mira Nair etu film bana bole nimite agree kori dishe, aru etu film Monsoon Wedding bana jaishe. Film tu India, US, Italy, France aru Germany laka company milai kina banaishe. Budget to chotu thakishe – $1.2 million (lag-bhag ₹5.5 crore). Film te theatre aru TV actors jemon Naseeruddin Shah, Shefali Shah, Lillette Dubey, Vijay Raaz thakishe, aru kunba notun actor bhi thakishe, Randeep Hooda. Monsoon Wedding North America te dangor hit hoishe. US aru Canada te $13 million (lag-bhag ₹60 crore) kamaishe, juntu time te Indian film nimite ekta record thakishe. Pura world te film to $30.8 million (lag-bhag ₹145 crore) kamaishe. Etu overseas record to bishi dheri takishe, juntu pisot Bajrangi Bhaijaan aru Dangal aahi kina bangai dishe. Eki sal te, Shah Rukh laka film Asoka aru Kabhi Khushi Kabhie Gham bhi overseas te kom poisa kamaishe, aru Aamir Khan laka Lagaan bhi $3 million kamaishe. Monsoon Wedding Netflix aru Amazon Prime Video te dekhibo paribo.