April 23, 2025, 06:45 PM: Kiphire district laga Fire Brigade Department laga hisap tey, Kiphire district laga 41 Assam Rifles tey thaka mandir ekta tey jui dangor lagi jaishey, 22nd April, 2025 tey. Itu jui asey koi kena call receive kuria laga thakishey, raati laga 8:27 PM tey 22nd April, 2025 tey, 41 Assam Rifles Kiphire para. Tatey eye witness para koa laga hisap tey, aru evidence pawa hisap tey, itu jui laga shuru hoa toh hoiley report kuria hisap tey short circuit hoa para asey, kuntu para Mandir tey bishi para jui lagi jawa shuru hoishey.
Duita pani laga Tender khan aru thik thaka manu khan Fire Station Kiphire para utu 41 Assam Rifles tey jai kena successful para itu jui lagi jai thaka ke rukhaboley parishey, tai khan ek ghanta aru 15 minute nishina utu jui logotey jhuja baji kuri kena. Fire tender aru tai khan laga manpower khan para aru bishi jui dangor hobo thaka ke rukhai dishey adjacent area khan tey. Itu ghatna hoa tey eku manu khan jokhom hoa nahoiley muria laga hoanai koishey.
Add Comment