KIPHIRE,AUGUST 21,2019: Kiphire laga EBRC Hall 20th August 2019 te District Education office, Kiphire para 2020-21 sal nimete all India Sainik School Entrance Examination laga Sensitization programme loishe .
DEO Kiphire koishe etu sensitization programme luwa toh students khan ke mondangor kuribole nimete ase kun khan mon thakishe Sainik School Punglwa te pudibole nimete.Etu nimete tai para teachers khan ke etu students khan ke modot kuribole koishe kun khan etu Sainik School te ahibole bhabona thakishe.
AEC 7 Assam Rifle Kiphire, A.K. Nayak para khobor dishe hudai sal 7 Assam Rifles Kiphire para coaching classes khan di thakishe .Etu nishena coaching classes lobole ase .Students khan intrest thakile toh tai khan ke khobor di ase thik thak kagooz loikena ahibole nimete .
Henminlal, TGT Sainik School Punglwa para school laga aro alag alag activities aro teaching aids khan laga power point presentation dishe .Tai aro koishe tai khan laga main motive toh bacha khan laga development nimete ase .Tai para sob school laga teachers khan ke modot kuribi koishe etu students khan ke registered kuribole nimete kile koile ekta student bi Kiphire district para registered kuranai. Sainik School Punglwa laga registration details nichete dikena ase:
- Examination date 5th January 2020.
- Online Registration 5th August – 23rd September 2019.
- Registration charges SC/ST Rs. 250, General/ Defence 400.
- Website: www.sainikschooladmission.inor www.sainikschoolpunglwa.nic.in
- Examination centre toh Dimapur, Kohima, Tuensang, Mon and Punglwa (School Campus) thakibo .
Etu programme toh Sepithrong Sangtam para loishe aro AEO Kiphire, Tsisethri para vote of thanks dishe.
Add Comment