Kiphire, 18 September – Kiphire District Planning & Development Board (DPDB) meeting cum Orientation Programme Adi Karama Yogi Abhiyan (AKA)nimite 17th September 2025 te DC Conference Hall, Kiphire te held kurishe. Meeting toh DC Kiphire, Temsuwati Longkumer laga chairmanship te held kurishe.
Temsuwati meeting shuru te board members khan ke warmly welcome kurishe. Previous meeting minutes review kura time te, tai SHE-BOX Portal registration, Malaria aru Dengue prevention fumigation, aru PM Shakti implementation laga upor te kotha kurishe. DC koishe Ministry para mandate kora ase ki School, Hospital, Anganwadi Centre, Road aru Water Pipeline – etu 5 key assets saturation hobo lage. Tai department khan ke urge kurishe ki sob assets thik se mapping kurikina Gati Shakti Portal te update kuri dibole, aru department khan ke tai khan laga nijor status highlight kuri dibole MIS team khan ke monitoring karone.
EAC Kiphire, Takatemjen Pongen, Orientation Programme Adi Karama Yogi Abhiyan laga importance ulai dishe. Tai koishe etu ekta Mission Driven Cadre ase Ministry of Tribal Affairs, Government of India laga, jitu State level te agete launch kuri dishe. Tai highlight kurishe ki etu ekta national movement ase tribal leadership aru governance ke decentralize kuribole aru develop kuribo karone.
Programme te Junior Soil & Water Conservation Officer, Shekimu H. Sumi; LDM Kiphire, Kevitsoto Stephen Chasie; ToT EBRC, Atsaba Sangtam; PD (DRDA), N. Kupto Achumi; ZPGC Principal, Dr. Phyobenthung; aru DPO (LRD), P. Lipichem Sangtam bhi speech dishe. Lily O. Ezung (NSRDA) representing DRDA aru Shekimu H. Sumi (JSCO), Soil Conservation Department para department activities present kurishe.
Meeting conclude kuri time, DC para urge kurishe RD department ke corrective measures lobole karone, household khan jiman khan job card nai villages te identify kuribo karone. Tai MGNREGA beneficiaries laga proper record maintain kuribole karone bhi stress kuri dishe. Tai transparency aru accountability laga importance rural development programme nimite underscored kurishe. DC DPDB board members ke remind kurishe ki Grand Finale Miss Kiphire 27th September 2025 te GHSS Auditorium, Kiphire te hobo. Meeting toh chair para vote of thanks dikina conclude kuri dishe
Add Comment