November 06, 2024, 05:28 PM : Deputy Commissioner Kiphire, Temsuwati Longkumer, NCS para toh hoiley itu JAL UTSAV inaugural program launch kuria ke grace kurishey, tatey Special Guest buhi kena, 6th November, 2024 tey.
Tai laga speech tey, Deputy Commissioner Kiphire, Temsuwati Longkumer para koishey ki, Jal Utsav toh hoiley 20 Aspirational District/ Block khan tey implement kurishey, itu state tey, National Jal Jeevan Mission, Drinking Water laga Development aru Sanitation, Jal Shakti laga Ministry logotey partnership kuri kena, awareness aru sensitivity banaboley karney, pani laga management, conservation aru sustainability phaney.
Temsuwati para “Little drop of water makes a mighty ocean” quote kuri kena koishey ki, community laga participation aru protection, pani laga resources toh hoiley bishi important asey aru initiative activity khan pani asset sapha kuria laga, gaas laga plantation, student para chulai jawa laga awareness program khan aru community pledge khan, responsible para pani chulawa aru conserve kuria ke inspire kurey.
Itu program toh hoiley Sukanya, ABF NITI Aayog para moderate kurishey aru Lemtsu L Tikhir, Youth Pastor (TBCKT) para Isor laga blessing kuria laga prathana kurishey.
Executive Engineer, PHED, Er. Akokba Sair para welcome address deliver kurishey aru Tethuvo para JJM laga success story opor tey kotha kurishey aru keneka public para toh hoiley itu scheme para benefit pai kena ahishey itu opor tey kotha kurishey.
Add Comment