December 04, 2023 : Itu Kiphire District Planning & Development Board (DPDB) para tai khan alga muhina laga session toh ekta pre- Christmas outing logotey combine kurishey, Zungki Valley tey, Kiusam Bridge osor tey, December 2nd, 2023 tey, itu “You Are the Reason for the Season” laga theme under tey.
Deputy Commissioner & Vice Chairman DPDB – John Tsulise Sangtam para chairperson buhi kena, itu meeting toh hoiley DPDB laga members khan khan warm welcome di kena shuru kurishey, koi asey. Itu Vice Chairman para tai laga gratitude express kurishey itu members khan nimitey kun khan contribute kurishey aru itu Phelungre Village laga council ke thanks janaishey, itu meeting ke host kuria nimitey, aru ki ki laga arrangements khan bhi facilitate kuria nimitey.
Itu session laga homoi tey, itu DPDB members khan para itu rostrum laga construction toh approve kurishey, itu Phelungre Village laga playground tey. Itu decision loa toh hoiley community infrastructure ke enhance kuriboley karney loishey koi asey, aru plans khan bhi set kurishey, relevant department khan logotey collaborate kuriboley, itu laga implementation nimitey.
Itu Deputy Commissioner para members khan ke urge kurishey, khali Christmas toh he khushi para celebrate kuria he nahoi, hoilebi active thaki kena society ke bhi contribute kuriboley koishey.
Add Comment