KIPHIRE,JULY 09, 2019: Hopongkyu Memorial Hall, Kiphire 9th July 2019 te SDO (C) HQ Nyempo Walling special guest thakikena ‘team work and work ethics’ laga theme bithor te Integrated Cooperative Development Project (ICDP) 1st Phase Beneficiary Training programme loishe .
SDO Civil para tai laga short speech te koishe Kiphire ke aspirational district bana pichede alag alag developmental activities khan shuru kurishe aro tai para district ke positive challenge kuribi koishe .Tai para registered societies khan ke bank para loan luwa toh time te repay kuribi koishe aro society laga naam bhal kuribi koishe future loans khan nimete . Nyempo walling para Department khan n ke district Administration logote kaam kuribi koishe kaam kuribole nimete .
Joint Registrar of Cooperative Societies HQ & Monitoring Officer ICDP Kiphire, Temjen Longkumer koishe koi Cooperative movement toh 1904 para shuru kurishe.Tai koishe ki dukhia manu khan laga cooperative kaam tai khan laga livelihood bonabole nimete aro Kiphire district laga registered societies khan kaam shuru kurishe poisa komti para tai khan laga societies ke uthabole nimete .Longkumer koishe Cooperative society toh manu khan laga welfare nimete aro laaph pabo members khan majhotte .
Chief Project Officer koishe ICDP toh ekta seed money ase aro society khan etu chulabole lageh aro loan wapas dibole lageh future development nimete .Tai para tai khjan ke tai khan laga project nurukhabi koishe adha te. Chairman Hurung Village, Chemlongse para koishe societies khan ke honest hubi aro tai khan ke government para ki dishe etu te dedicate kuribi koikena janaishe .
Etu programme laga welcome address toh Lipoknungsang para dishe aro vote of thanks toh Development Officer ICDP, Athonlo Thyug para dishe.Etu programme toh Development Officer ICDP, Tsipongse Anar para loishe.Etu programme toh 10th July tak jabole ase .
Add Comment