Kiphire, 06 June: Kiphire District Task Force para June 5th 2021 te ekta ekta meeting DC’s Conference Hall jaga te loise aro etu meeting te Deputy Commissioner & DTF Chairman Rahul Mali, IAS para chaired thakise.
Meeting te ward wise vaccination camp lobole fesla korise. Etu nemite ward chairmen ke adesh deshe nejor laga wards te joldi para ‘Ward Task Forces’ suru koribole. Ward authorities ke adeshe deshe COVID Vaccine lobole monn howa 18 omar para opor manu laga data naam, omar, ID card number aro tai khan laga mobile numbers toh District Immunization Office te submit koribole.
Meeting samai te Dr. Moa Jamir para judi COVID te mela symptoms thakise aro bemari hoise koile joldi khobor koribole aro dawai lobole koise kelay koile besi phak cases te late khobor kora te mora thaka nemite. Mora gao phela opor te SOPs te, tai para corpse te medical team para disinfected kora bechite tusara manu khan ke infect nahobo koise.
DTF members para United Sangtam Lithroti Ashimukhong (USBLA) ke dhanyabad janaishe kelay koile covid patients laga treatment nemite post howa medical team khan bohoibole Hopongkiu Memorial Hall te mana nemite. Members para be rumours aro galdi khobor social media te viral hoi thaka opor te kotha korise.
DC Rahul Mani para vaccination ekala solution ase koise aro tai para community leaders khan toh nejor para dawai loi kena tusara khan ke example bona te lead lobole aro tusara manu khan para dawai lobole nemite awareness aro monn dangor koribole koise.
Add Comment