November 25, 2024, 04:24 PM : Maiki khan laga against tey violence hoa laga elimination nimitey International day loishey, DC laga Conference Hall tey para, 25th November, 2024 tey.
EAC Kiphire, Takatemjen Pongen, NCS para tai laga speech tey itu theme ‘Unite to End Violence Against Women Campaign’ opor tey emphasize kurishey, state kuri kena ki, itu toh hoiley ekta multi-year effort asey koi kena, public awareness raise kuriboley, aru political will aru resources baraboley karney, prevent kuriboley aru violence khan khotom kuriboley, maiki khan aru chukri khan laga against tey, itu duniya laga sob jaga khan tey.
Area Coordinator NSRLM, Kunyangli para bhi gender discrimination opor tey kotha kurishey, tai para state kurishey ki, maiki laga against tey discrimination aru power aru resources khan khan distribute kuriboley mota aru maiki khan laga majetey toh inequality asey, itu khan sob toh root cause khan asey, maiki khan laga against tey violence hoi thaka toh. Gender discrimination kuri thakey ama-baba khan bhi bacha khan ke educate kuriboley laga tey, kotey bishi privilege khan toh hoiley mota-chukra khan ke hey di thakey, tai para koishey.
Add Comment