Bengaluru, 1 May : Asian Games silver medallist aru India laga second-longest javelin throw record holder Kishore Jena, NC Classic 2025 javelin throw championship te Indian participants list te join kurise. Itu championship May 24 te Bengaluru te hobo.
Jena laga bhal performance te include kore 2022 Asian Games te silver medal aru 2023 World Championships te top-five finish.
Event tu headlined hobo double Olympic medallist aru reigning world champion Neeraj Chopra laga naam te. Itu event te first time India te duniya laga top male aru female javelin throwers competition kuribo.
Neeraj Chopra logot, Kishore Jena, Rohit Yadav, Sachin Yadav aru Sahil Silwal bhi Indian lineup complete kuribo. Itu event jointly organise kurise Neeraj Chopra aru JSW Sport, Athletics Federation of India aru World Athletics logot miliki.
Ekdina laga itu javelin throw meet World Athletics laga ‘A’ category event hobo, juntu Continental Tour Gold-level competition laga ranking points equal ase. Itu Sri Kanteerva Stadium, Bengaluru te hobo.
Paris Olympics bronze medallist aru two-time world champion Anderson Peters (Grenada) aru Rio Olympics silver medallist aru former world champion Julius Yego (Kenya) bhi itu competition te participate kuribo.
Tokyo Olympics gold medallist, Paris Olympics silver medallist aru reigning World Champion Neeraj Chopra hobo event laga main attraction.
Line-up te include ase Pan American Games champion Curtis Thompson (USA), juntu current world leader ase; Thomas Rohler (Germany), 2016 Olympics champion aru ekjon all-time great; Japan laga Genki Dean, Brazil laga Luiz Mauricio da Silva aru Sri Lanka laga Rumesh Pathirage bhi ase.
NC Classic 2025 ekta dangor qualification event hobo upcoming World Athletics Championships, Tokyo (September 13 to 21) nimite. Kintu Neeraj, juntu already reigning world champion ase, laga qualification to already confirm hoise.
Add Comment