June 20, 2024: Aha Urban Local Bodies (ULB) Election laka preparation deh, election officers karne second aro last training tho Kohima College, Kohima deh conduct kuri shae, 20 June 2024 din deh.
Training session para President officers, First Polling officers aro Second polling officers kan keh necessary skills aro knowledge kan lokot deh equip kuri di shae. Etu heh nahoi nah voting procedures, ballot paper kinaka handle kuri bo lakeh aro polls kinaka smooth para conduct kuri bo, etu kan b hikai shae.
Resource person kan para voting process laka transparency aro integrity maintain kuri bo karne election guidelines kan follow kuri bo lakeh kui shae. Participants kan keh detailed instruction kan di shae aro election time deh challenges handle kuri bo karne hands-on demonstration dikai shae.
Etu laka upor deh, 21st aro 24th June 2024 deh ekta facilitation Centre set up kuri bole ase, 11:00 Am para 3:30 PM tak, DC officer Kohima deh. Sob Polling officials kan keh services kan tho avail kuri bole encourage kuri nah ase aro doubts kan taki leh, clear kuri b kui nah ase.
(DPRO Kohima)
Add Comment