November 2, 2023: Nagaland State Disaster Management Authority (NSDMA) para Nagaland Emergency Preparedness Exercise (NEPEx) conduct kuri shae 2nd November 2023 deh. Etu tho taikan state laka capability test kuri bo kartne lua ase earthquake aro extreme weather conditions taka time deh. DC Kohima, Kumar Ramnikant, IAS aro Observer, Assistant Commandant, 78Bn CRPF, ZUbza, Khriezovo Zutso para situation laka briefing di shae
Observer, Zutso para capital tho situation bhal para respond kuri bo pare kui nah kui shae. Tai para traffic control tho ekdum bhal taki shae kui shae aro ground aro high storied building deh b rescue operations kan tho ekdum bhal taki shae kui shae. Hoile b tai para communications kan tho poor taki shae kui shae. Etu heh nahoi nah kun bah radio sets kan signal bhal para pah taka nai kui shae kun ba time deh. Tai para community response b bia taki shae kui shae aro bhal medical staff kan komti taki shae kui shae.
Tai para communications mode tho khali radio sets deh heh restrict kuri bo nalage kui nah suggest kuri shae. Public lokot deh blood donors kan b arrange kuri leh bhal hobo kui shae emergency time deh. Maike kan b SDRF laka rescue team aro Medical team deh include kuri bo lakeh kui shae. Aro bhal equipments kan available kuri bo lakeh kui shae.
Kohima deh, pasta jaka keh inident sites ase kui nah designate kuri di shae. Etu jaka tho etu kan ase: Kohima Trade Centre, BOC Kohima, Circuit House (one residential house) New Ministers’ Hill, Government Middle School, Middle PWD colony, Khedi Hr. Sec. School, Kohima Village and Kohima Arts College. Exercise lua time deh building kan giri jai shae aro jui laka incident kan b banai shae. Etu incident deh 25 casualties taki shae. Tate tuijun muri shae, saath jun bia para jokom kai shae, tosjun minor injuries taki shae aro choitha manu kan mild injuries taki shae kui nah stage kuri shae students aro public kan para.
Add Comment