KOHIMA, SEPTEMBER 1 : Chief Postmaster General North East Postal Circle pora India Post Payments Bank (IPPB) toh Kohima Branch te kholidese. Etubi aji Saturday din, 1st September 2018 te Hotel Japfu, Kohima te.
Etu IPPB Bank khola time te etu Bank kan bi 650 Branches kan aro 3250 Access Point kholidebole kurise. Etubi ami kan desh laga sob jaka te. AEtu oporte Sorkar kan bi 1.55 lakh Post Offices kan etu Bank ke link kuribole ase. Etubi 31st December 2018 te.
Etu Bank porabi accessible, affordable aro Trusted Bank hisabte anedebole kuri ase. Etubi ami kan public manu kan nemite. Aro etu pora rural, urban aro remote jaka kan sob te bhal te Bank laga kam kan julabole de kena ahkete luijabole ase koise.
Chief Secretary, R. Binchilo Thong IAS porabi etu din te kotha kurikena etu IPPB Bank laga babuna kan sob (objectives) janaide thakise. Etu ke tai etu IPPB Bank pora ami kan bosti-bosti jaka kan laga manu kan ke Bank laga kam (services) bhal te ahkete anedebole kuri ase koi kena janaise koise.
Etu din te Superintendent Posts, Nagaland Post Division, Lalramzauva porabi etu IPPB Bank laga bhal kotha janaide thakise. Aro etu din laga Programme toh Marketing Executive Imtikumzuk pora ahkete luijai kena mana kuridese (chaired). Welcome Address toh IPPB Branch Manager, Kohima, Sagar Halder pora kuridese. Aro etu din laga Programme kobi India Post Payments Bank laga katha Video bi ulaidese koise.
