Kohima, 25 September: Tuesday deh tin din 11th Under 14 State level Catch Them Young tournament 2018 laga inaugural programme loise. Etu toh Hall ‘A’ Indira Gandhi Stadium Kohima de lowah thakise. Programme de Youth Resources & Sports, Er. Zale Neikha toh Special Guest thakise. Sob district laga student khan logode Er. Zale Neikha pora mon dangor kotha janaideya toh, nagas khan sports de paribole talent ase koise. Hoilebe ami khan galdi rasta juna pora bhabuna nesana thek jaga de na-ponji koise. Tai pora Manipur khan sports de phal howah dekhi kena ami khan laga gao be tai khan nesana he ase koise. Advisor pora student khan logode matikena sport de hosiyar pora junibe kowah thakise. Kelay koile sports de phal hobo karni ektum koribo lagi. Er. Zale Neikha pora be aji-kali laga government pora games aro sports de phal hobo karni motob koribole ase koise. Director Youth Resources & Sports, Akumla Chuba pora tai laga welcome address de kowah toh, Department pora ahhibole khelari khan khari phal atmosphere bonabole kosish kori ase koise. Tai proa Dr. T. Ao laga example be janaideya thakise aro student khan logode time thek jolabole kowah thakise. Deputy Director, YRS, Megolhu Dolie pora programme chair kora thakise aro invocation (suru prathna) toh Vice Principal Kohima Bible College, Pete Krose pora kora thakise.
Kohima de 11th Under 14 State level Catch Them Young tournament suru
Add Comment