November 14, 2024: Assam Rifles kan ekta enriching aro motivational event, “A Day with Company Commander,” host kuri shae, Kohima, Company operating Base Councilor Hill jaka deh. Taikan para etu event tho 13, November 2024 din deh kuri shae. Event tho “Our Children, Our Pride, Our Future,” laka theme pitor deh lui shae aro etu para 60 students aro pastha teachers kan keh jama kuri shae. Etu students aro teachers kan tho Dainty Buds Higher Secondary School para ahi shae.
Company Commander para encouraging kotha kui nah student keh ekta warm welcome di shae. Interactive session kuto, students aro company Commander majo deh taki shae, etu para jawan manu kan keh ekta rare opportunity di shae, Armed Forces personnel laka jiwan tho kinaka ase, etu janai di bole.
Students kan team-building, exercise, quizzes aro physical exercise nishi nah alak alak activities deh participate kuri shae. Event deh ekta prize distribution event b taki shae, kuteh Company Commander para students kan keh award di shae, competition deh taikan laka performance karne.
Ekta hearty lunch kah piche deh program tho kotom hui shae. Students kan keh kushi memories kan di nah din tho kotom hui shae.
Add Comment