Kohima

Kohima deh media workshop loise

August 5, 2019

Kohima, 25 July: 25th July, 2019 deh second par nemide East gate Hotel, Chandmari Road, Midland, Kohima jaga deh one day media workshop ‘VARTALAP’ loise.  Etu toh Press information bureau, Kohima, Ministry of Information & Broadcasting para ola laga ase.

Etu event ola laga main aim toh local journalist laga capacity building opor deh saijabole aro PIB aro journalist majode besi phal hobo nemide ase.

Chief guest nemide thaga Advisor IT, Science& Technology, New & Renewable Energy, Mmhonlumo Kikon para Vartalap toh Government of India laga kaam laga programme ase koise. Etu toh regional centre nemide interact thakibole laga mission nesana ase koise. Etu be policy maker aro implementation majode gap thaga toh link kuribo nemide ase koise.

Kikon para media khan sponsored scheme laga case deh study kori kena kamiyaa howah stories bonabole paribo koise.

Tai koise, etu high tech duniya deh hosha be hobo pari nohoile mesha be hobo pari hoilebi poila para toh besi joldi ami khan ke ponji. Kamiyaab howah stories toh Nagaland laga local colonies deh be lobo pari. Etu para toh ekta kamiyaab howah laga story hobole ase aro manu khan ke encourage kora aro empower kotha thakibole ase. Tai para etiya tak media para ektum phal kaam toh kori kena ase hoilebi konbah issue toh ase. Etu issue khan nemide aro olob kosish kuribo lagi. Etu nemide tai para aji kali laga internet power jolai kena gover laga system ke sosta kuribole aro naponja jaga rural areas tak ponjaidebole koise.

Event deh Gust off Honour Principal Director School Education Department, GoN, Shanavas C, IAS aro Director of Information & Public Relations, Limawati Ao para be kotha kora thaksie.

Inaugural bechide technical session thakise. Etu time deh Additional Director, Rural Development Department, Imnukshila Jamir para Rural Development para bona CSS opor deh kotha korise. Asst. director Employment Skill Development and Entrepreneurship para Employment, Skill Development & Entrepreneurship para bona CSS opor deh kotha korise. Directorate of School Education para represent kora Zubemo Lotha para School Education para bona CSS opor deh kotha korise.