Nagaland

Kohima deh Nutrition laga workshop loise

August 4, 2019

Kohima, 19 July: Directorate of Health & Family Welfare Kohima deh ‘Nutrition and its Determinants and Strategies in Nagaland’ laga dissemination workshop toh 19th July 2019 deh loise.

Principal Secretary, Health & Family Welfare, R. Ramakhrishnan, IAS para keynote address deh koise, department of H&FW aro allied departments toh arobe key maternal aro child health aro nutrition service deh study koribo nemide besi kosish koribo lagi. Etu toh state deh etiya be komchor ase aro etu toh traditional upbringing, genes, climate condition nesana khan nemide hobo pari. Tai para ASHAs aro Anganwadi workers khan ke hotishe pregnant ama khan ke besi interact koribo nemide. Kelay koile state toh maternal, infant aro young child feeding practices deh najani kena bechi deh thaga nemide.

          

  1. Ramakhrishnan koise, bacha khan nemide ami khan laga traditional baby food toh bacha laga gao ke dekthari pai. Tai para be H&FW department aro allied departments eki logode kaam kori kena mothers, women aro children ke sob health issues para bachabole koise.          

Dr. Aarushi Bhatnagar, Health Economist, World Bank para Power Point Presentation deh koise, 2016 deh World Bank-financed Nagaland Health Project deh US$15 million component melise. Etu toh communitization strategy bona deh gara koribo nemide technical aro financial support debo nemide ase.

Tai koise, maike khan ke fesla bona deh hesha lowah othibo nemide co- chair appointment aro training debo lagi. 2005-06 aro 2015-16 deh National Family Health surveys lowah time deh under-five bacha khan majode stunding prevalence toh 39 to 29 percent deh namise aro etu toh national average 38 percent para be komti ase.

Programme deh chaired thaga Dr. Atoshe Sema, Additional Project Director of Nagaland Health Project koise, workshop deh toh South Asia Food and Nutrition Security Initiative (SAFANSI) para fund deshe. Tai para  be thanks janaise UK government para UK Aid deya deh aro European Commission (EC), South Asia Food and Nutrition Security Initiative (SAFANSI) aro World Bank para support korikena workshop aro survey toh phal para lowah nemide thanks janise.