Kohima, 28 August 2025 : District Level Advisory Committee (DLAC) laga first meeting tu “Safe Food & Healthy Diets” laga upor te kuri she August 28, 2025 te etu meeting tu Deputy Commissioner Conference Hall, Kohima te lui she, aru tati DC Kohima Henok Buchem para chair kuri she.
Meeting te food safety aru consumer rights laga importance upor te bishi khota kuri she. DC Buchem para koi she ke public khan ke consumer rights aru food safety laga upor te aware kuri thaka tu bishi important ase. Tai para aru task force tu bana bole propose kuri dise, aru etu tu food safety aru nutrition expert, food business operator, aru consumer group khan karone . Inspection of hotel kitchens, restaurant hygiene maintain kura laga, aru food safety standards follow kura tu main focus banai dise.
Food Safety Officer Kohima, Kezhangulie Yimchunger department laga activity share kuri dise. Department te regulation monitor kuri thake, training aru awareness programme chulai thake, imported aru substandard items regulate kuri kena, aru license issue bhi kuri she. Etiya tak, tu 160 license online issue kuri ase aru regular inspection bhi cholai ase.
Nagaland te ekta food testing laboratory ase etu tu State Public Health Laboratory, Paramedical Colony, Kohima te. Tai support kuri bole karone state te “Food Safety on Wheels” tinita mobile unit te introduce kuri de she, aru district te tai khan jai kena food sample khan collect kuri kena, food operator khan ke training dikai kena aru awareness spread kuri thaki she. Food business operator khan bhi hygiene training tu recieve kuri kena, aru certificate bhi de thaki she.
Meeting laga last te, member khan agree kuri thaki she ke strengthening inspection , stakeholder involve , aru consumer awareness utha laga tu Kohima district te safer food aru healthier diet karone bishi important ase.
Add Comment