Kohima, 19 July: Deputy Commissioner Kohima, Gregory Thejawelie NCS laga chairmanship pathor deh Independence Day 2019 celebration nemide meeting toh DC’s Conference Hall jaga deh 19th July 2019 deh loise. Meeting lowah toh Independence Day celebration 2019 New Secretariat plaza, Kohima jaga deh 15th August 2019 deh manibole nemide daiyari koribo karni loise.
Meeting deh chair thaki kena Deputy Commissioner para jama howah sob manu khan ke khobor janaideya toh, District Administration para in-charge deya alag alag areas deh saijabole koise. Sob concern departments/NGOs khan ke be kaam deya deh phal para saijabole koise.
Meeting deh DC para be alag alag departments/NGOs participation khan independence nemide kaam deya deh phal para kaam korikena kaam toh kamiyaab hobole koise.
Uniform category para total eleven contingents toh ceremonial parade deh hesha lobole confirm hoise aro aro alag alg school laga seven contingents toh hesha lobo na nalobo etu opor deh confirm koribo nemide District Education Officer ke incharge deshe. Meeting deh be parade rehearsal toh 6th August 2019 para Secretariat Plaza jaga deh 8:00 A.M para lobole fesla korise. Etu opor deh transportation toh district administration para saijabo. Three Bands be ceremonial parade deh hesha lobole confirm hoise.
Meeting deh be alag alag assigned works laga kotha korise. Etu toh cultural items, dance display, taekwondo, visitation of Institutions, football exhibition match, security arrangement, medical coverage, putting up of flag post, road maintenance, P.A equipments nesana khan deh kotha korise. Kelay koile Independence day 2019 toh phal para kamiyaab hoikena lobo nemide.
Meeting deh be alag alag departments aro NGOs laga concern officials khan ahha thakise.
Add Comment