March 7, 2024: Kohima District Administration kan District Hub For Empowerment of Women (DHEW), Kohima lokot collaborate kuri nah Beti Bachao Peti Padhoa pitor deh, etu award presentation program tho organize kuri shae “Best Performing Government Schools in Kohima District” (Assessment of Pass-out rate of Girl Child) karne. Program tho taikan DC laka conference Hall, Kohima deh lui shae 7th March 2024 deh.
Program deh, Deputy Commissioner Kohima, Kumar Ramnikant, IAS para Beti Bachao Beti Padhao, Mission Shakti para maike bacha keh literate hobo leh aro male counterpart lokot eki taki bole jaka ekta di shae kui shae. Indian keh develop kuri bo karne, citizen laka participation aro contribution lageh kui shae gender laka kotha tho chari nah. Tai para community nahoileh society pitor deh maike aro mota majo deh eku difference kan taki bole nalageh kui shae. Aro ekta equitable society bana bo karne traditional barriers kan banga b kui shae jama kura manu kan keh. Ramnikant para faculty, staff aro students kan keh b award jita karne congratulate kuri shae. DC para district administration laka hath para paratak moto dib oleh assure kuri shae.
District Education Officer, Emilo Patton para welcome address dia time deh, maike kan laka culture status tho improve hui shae kui shae BBBP initiative pitor deh. Tai para Kohima deh, maike kan enrolment aro academic performance tuita deh b improve hui shae kui shae. Miake kan sports laka field aro alak co-curricular activities deh b excell kuri shae kui shae. Patton para aro maike kan laka pass percentage b mota kan lokot deh bhal ase kui shae, Private aro Govt Schools tuita deh b.
Best performing schools laka certificates aro cash awards kan tho GPS Garuzou, GMS Aradhura Lerie Chazou, GHS Chandmari aro Razukhrie Government Hr. Secondary School para bag kuri shae.
Program tho EAC Kohima aro Nodal Officer, Mission Shakti, Moasunep K. Jingru para chair kuri shae.
(Khekiya, IA Kohima)
Add Comment