Kohima, September 25 – Kohima District Level Advisory Committee (DLAC) laga resolution “Safe Food and Healthy Diets” hisap para food safety aru public health ke priority dibole, Kohima District Task Force on Food Safety pora district pura food establishment inspect kuribole shuru kuri dishe. Etu initiative laga main aim toh Food Safety and Standards Act, 2006 aru Rules & Regulations 2011 properly implement kuribole.
First day inspection te, Task Force pora 11 restaurants aru hotels visit kuri she Jail Colony para shuru kuri kina. Team para main area khan check kuri she, juntu te include ase — water quality, electronic appliances functionality, washroom condition, kitchen hygiene, food storage practice aru waste management.
Inspection time te, bishi lapse bhi dekhishe — wall contamination aru paint peel hoi thaka, exhaust system damage, waste bin cover nakura, kitchen staff gloves aru headgear na thaka, vegetable aru meat karone separate knife/storage na thaka, kitchen bhitor te fly thaka, aru employee medical certificate na thaka.
11 establishment majote, khali charta hotels aru ekta restaurant logote water analysis report thakishe. Official khan remind kuri she ki sob food establishment karone water quality certification mandatory ase.
Task Force para emphasize kuri she ki inspection continue kuribo sob hotels aru restaurants Kohima district pura, jate food safety standard strictly follow hoi ase na nai
Add Comment