November 21, 2025: Ek Din laga Job Fair successful para organize kurishey, November 21, 2025 tey, itu Regional Employment Exchange, Kohima tey, job seeker khan, employee khan aru key placement agency khan ke eke logotey aniboley, ekta single platform under tey.
Itu event toh hoiley mili kena conduct kuria laga thakishey, itu Regional Employment Officer, Kohima, itu Sub-Regional Employment Officer (National Career Service for ST/SC), Kohima, aru Don Bosco Placement Network (AIDA), Dimapur.
Itu Job Fair toh hoiley direct engagement banaboley karney asey, recruiter khan aru candidate khan majetey, employment opportunity khan ke promote kuriboley asey aru itu state laga skill development initiative khan support kuriboley asey.
Itu organizer khan para highlight kurishey ki, Nagaland toh hoiley continue ekta high employment rate face kuri asey, kuntu toh 74,500 manu khan nishina register kuri kena asey, Employment Exchange khan tey, itu state bhitor tey, July, 2025 tak tey.
Regional Employment Officer, Kohima, T Yimlikhumzuk para inform kurishey ki, ekta pura puri saatta company khan para itu fair tey participate kuri asey, 500 para bhi bishi job opening khan offer kuri kena, alag alag sector khan tey, Nagaland laga bhitor tey aru alag state khan tey.
Itu participate kuria employee khan tey Reliance Jio, Chilli Breeze, Talent Acquaintance, Kin Ventures, Apex Motors Dimapur, SBI Life PR Hill Branch, aru SBI Life Secretariat Branch, Kohima thaki kena asey.
Itu event tey encourage kuriboley laga feedback receive kurishey, employer khan aru job seeker khan para. 250 candidate khan para bhi bishi para itu fair tey attend kurishey, kuntu khan bhitor tey 74 shortlist kurishey, employment opportunity khan nimitey, alag alag sector khan bhitor tey.
Add Comment