Kohima, 15 May 2025: Kohima District Planning and Development Board (DPDB) para daikhan laga regular monthly meeting loise may 15, 2025 de DPDB hall Kohima de. Etu session tu Deputy Commissioner B. Henok Buchem,NCS para chair kurise , aru Kevipodi Sophie,MLA, laga nutun DPDB chairman nemede formal induction takise. Buchem para express kurise gratitude outgoing chairman, MLA Dr. Tseihoutuo Rhutso ke, aru acknowledge kurise daila valuable contribution aru leadership.
MLA Kevipodi Sophie para address kurise sob manu ke aru thank kurise state government ke daike entrust kura karone leadership nemede. Dai para commitment dese government officials khan ke support divolae policy implementations de aru emphasize kurivolae importance sincerity aru honesty officials majo de. Sophie para reaffirmed kurise dedication dai laga development projects district de.
Ekta notable highlight meeting laga tu felicitation takise Riya Gupta laga kun para top score kurise HSLC exam de Government High School Kohima District para. Riya para gratitude express kurise isor ke aru daila teachers, family aru well wishers khan ke, honored feel hoise koise etu recognition para.
Board para discuss kurise ekta proposal upgrade kurivolae GMS Daklane ekta full-fledge Government High School de. District Education Officer(DEO) para positive reports pa opor aru confirm kurise sob criteria, board para recommend kurise proposal ekta aim kurivolae educational infrastructures khan enhance kurivolae area de.
Tourism tu bi ekta major role loise meeting laga agenda de. Abigail Solo, tourist Officer, para deliver kurise ekta comprehensive powerpoint presentation tourist laga details influx accommodations Kohima de. Dai para highlight kurise pressure existing infrastructures de juntu 40 hotels aru 91 homestays ase. Solo para underscore kurise aru koise importace privatization aru community involvement tourism laga development de, aru updates khan share kurise projects khan 25th Hornbill festival, Enopen Resort, service Block Khonoma, Kohima view point, aradura Hills trekking route, The Dawn Chalet Chakhabama, aru eco-tourism initiatives Jotsima de.
Solo para appeal kurise ekta strong collaboration aru stragetic support karone sob department khan para aru current challenges tu address kurivolae aru infrastructure issues aru needs khan tu bi address kurivolae skill development programs khan para. dai para emphise kurise online information khan update opor aru highlight kurivolae safety concerns khan damaged drainage covers khan Kohima de neshina juntu para ekta risk hoi jai commuters khan karone.
Meeting para nutun members laga inclusion dekise, chairman of Kohima Municipal council, President of Angami Public organization, ADC Kohima HQ Ruofukuotuo Noudi, Assitant Controller LM&CP Shiekhozo Rakho, aru SDOs Jakhama Vineikho Tetso aru Sechu-Subza Imliakum Sanglir.
Social Welfare Department para next deliver kurise presentation tu, district laga focus Social development aru welfare initiatives opor. Overall metting tu underscored hoise ongoing development efforts, leadership changes aru stragetic planning foster kurivolae Kohima laga district lga growth karone.
Add Comment