KOHIMA,SEPTEMBER 18,2019: Kohima District Planning and Development Board (DPDB) meeting toh DPDB’s Conference Hall, Kohima 16th September 2019 te Advisor Urban Development and Municipal Affairs, Dr. Neikiesalie Kire para loishe.
last DPDB meeting laga kotha kura time te Grant-in-aid in respect Christian School, Tseminyu, Old Town nimete DC Kohima khobor dishe ki Sub-Divisional District Planning and Development Board, Tseminyu para kotha kurikena etu matter toh Board logote luijaishe etu nimete criteria and recommendation kura karne Board khan manishe etu case toh government khan ke dibole nimete .
Etu committee Koinonia Baptist School Kezieke, Kohima, te bonabole laga verification nimete report dishe aro koishe parking kuribole jaka toh ase aro koishe school khan bhabona kuri ase aha academic year aro future nimete bi. Departmental profile laga kotha kura time te DC para department khan kun khan retia tak tai khan laga profiles khan dianai etu report toh aha DPDB meeting te dibole koikena janaishe.Tai aro koishe plastics khan nachulabole nimete aor members khan koishe manu khan etu exercise toh bhal hobole nimete modot kuribole kotha kurishe. DC para aro bi khobor dishe Village Adoption Committee laga revised list olaishe etu bi olop akhe te officers khan laga transfer aro posting khan ola pichede aro members khan ke etu finalise kurikena selected village/ward laga list toh DPDB ke next meeting dibole koishe.
Meeting te SDO (C) Kohima, Longasen Lotha s para on Institution of District Level Awards, laga proposal uporte kotha kurishe etu para Governor’s Award, Inter-Departmental Sport Meet aro single use Plastic ban kura kaam kura aro bi kotha kurishe .Board khan para etu proposal uporte kotha kurikena aro members khan para bi tai khan laga kotha janaikena etu proposal ke support kurishe.Etu te Board khan manikena duita committees olaishe etu matters khan te kaam kuribole nimete . Committee for Institution of District Level Awards toh ADC Kohima convenor, aro members te Principal Science College, Project Director RD, Chief Medical Officer, Kohima and District Public Relations Officer khan thakishe aro Committee for Inter Departmental Sports Meet toh SDO (Sadar) Kohima Convenor aro DYRSO member Secretary aro dusra members te SP Kohima, General Manager DIC aro Revenue Officer Kohima ase.
DC para aro bi khobor dishe verification and authentication www.Nvsp.in, para facilities thaka Voters Helpline’ Mobile App, Common Service Centres (CSCs) uporte kotha kurishe . etu te VLE khan para modot kuribo nominal fee aro Voter Facilitation Centres (VFCs) Office Electoral Registration Officers (EROs) aro Assistant Electoral Registration Officers (AEROs) = office hours te kuribo.Tai para etu nimete sob members khan ke etu facilities khan lobole koishe aro manu khan ke etu Election Commission of India and Election Department para diya facilities uporte manu khan ke janaidibole kotha kurishe.
Etu meeting te tinta societies khan para tai khan laga society laga objectives aro concept registration nimete kotha kurishe.Etu time te board khan manikena etu government khan ke dibo koishe action lobole nimete .
Add Comment