February 15, 2024: 15th February 2024 deh Kohima District Planning and Development Board (DBDP) laka monthly meeting tho DPDB laka Conference Hall deh lui shae Kohima deh. Meeting tho Deputy Commissioner aro vice Chairman DPDB Kohima, Kumar Ramnikant IAS para chair kuri shae MLA Tsielhoutuo Rhutso laka osor deh.
Meeting para puila lua laka meeting tho review kuri shae aro nutun societies register kurile bole agenda lui luishae. Board para etu societies kan government keh recommend kuri shae aro further action karne: Padah Society, Mohonkhola Near Vineyard School, New Minister’s Hill, H/No. 106; Khatso Natso Women Society, Jakhama Village Khatso Natso Khel aro Nagaland Rhododendron Society Jakhama Town Chüchorü H/ No. 67. ‘Green the World Keyake P Khel. Keyake Sector No. 95” laka registration karne board para taikan laka activities deh aro clarification lakeh kui nah decide kuri shae further action karne.
‘Change of Nomenclature from Silas Memorial School to Mezhur High’ laka agenda deh, house para etu tho concerned authority keh recommend kuri bole decide kuri shae kile koile sob necessary criteria tho fulfilled hui nah taki shae aro board keh b sob di nah taki shae. Aha 18th Lok Sabha Election 2024 laka mamla deh, DC para Heads of Offices kan kun itia b taikan laka updated incumbency list aro vehicle list submit kuri bole baki ase, taikan keh etu tho DC & DEO’s Office, Kohima deh para tak julti submit kuri b kui nah yat kuri shae soft aro hard copy tuita deh b.
Next DPDB meeting deh tho Regional Transport Officer (RTO) aro District Forest Officer keh PowerPoint presentation dib oleh entrust kuri nah ase taikan laka departmental activities deh.
(DPR) Kohima)
Add Comment