October 04, 2025, 05:45 PM: Kohima laga Deputy Commissioner – B. Henok Buchem, NCS para itu graduate kuri thaka trainee khan ke urge kurishey, Government ITI Kohima laga, sapna dangor rakhiboley aru tai khan skill khan value kuriboley karney koishey, aji kali laga bishi juldi para duniya budli hoi thaka laga jamana tey.
Itu evolve hoi thaka technology laga role highlight kuri kena, Buchem para koishey ki, itu Artificial Intelligence (AI) toh hoiley bishi kaam khan replace kuriboley pari asey, hoilebi skilled trade khan toh hoiley hudai hey essential thaki thakiboley asey. “AI toh hoiley plumber khan, electrician khan, carpenter khan aru mechanic khan laga kaam ke replace kuriboley naparibo. Skill thaka kaam kuria manu khan ke hudai lagi thakiboley asey, construction aru alag service sector khan tey, tai para remark kurishey.
Tai para suggest kurishey ki, itu department aru district administration toh hoiley collaborate kuriboley pari asey, ekta online platform banaboley karney, skilled worker khan ke job opportunity khan logotey connect kuriboley karney, aru itu para local employment promote kuri kena.
Itu trainee khan ke, vision aru discretion logotey encourage kuri kena, itu DC para tai khan ke advise kurishey, long-term aru short-term duita goal khan bhi rakhiboley, tai khan laga plan khan toh private rakhiboley koishey. “Apni khan kitya apni khan laga plan toh sob ke koi diye, manu khan toh apni opor tey hasi dibo parey judi apni fail kurishey koiley. Itu nimitey nijey laga success toh nijey nimitey rakhibi”, tai para koishey.
Buchem para Er. Enchiba Longkumer laga leadership bhi naam uthai dishey, kun toh hoiley ITI Kohima laga Principal asey, tai ke ek sob para efficient aru professional officer majetey ekta asey koi kena describe kursihey, itu district tey.
Itu institute para 160 student khan pass out kurishey. . Er. Enchiba Longkumer, Principal ITI Kohima para welcome note dishey. Pastor MHBC, Vimegokho Chüsi para pass hoa trainee khan nimitey prathana kuri dishey. Kesalhoukho Casavi aru Senbeni M Yanthan para faculty aru pass hoa trainee khan laga behalf tey kotha kurishey.
Add Comment