November 26, 2024, 06:44 PM : Deputy Commissioner, Kohima Kumar Ramnikant, IAS para toh hoiley ekta notification issue kurishey, state kuri kena, itu itu city bus service laga raasta, Tinpati – Don Bosco College – Kohima College – New Secretariat aru Vice versa karney notify kuri kena asey, itu Public Service laga interest tey.
Itu schedule kuri kena thaka raasta khan laga Shuru kuria laga Point aru Khotom Point, Drop/Pick up Point, DBS College aru Kohima College aru Exit & Return Route- Billy Graham Road/New Secretariat. Asey.
Itu city bus service khan laga operation, itu raasta tey toh hoiley, trail basis tey shuru hoboley asey, immediate effect para.
Aru bhi itu Kohima laga DC para ekta Public Advisory issue, kotey sob driver khan aru gari laga malik khan ke advise kurishey, contact number khan display kuriboley koishey, gari laga windshield khan tey, itu city area khan tey park kuria homoi tey, traffic management ke assist kuriboley.
Aru itu ANTA taxi khan ke bhi mandatory kuri dishey, driver khan laga detail khan aru contact number khan display kuriboley, gari laga windshield khan tey.
Add Comment