August 25, 2025, 06:18 PM: Kohima laga Deputy Commissioner – B. Henok Buchem, NCS para, ekta order issue kurishey, state kuri kena ki, traffic management improve kuriboley aru streamline kuriboley karney, Kohima Town tey, commercial taxi khan toh hoiley Lower PWD Junction tey para gushiboley nadi jaboley asey aru Middle Midland Junction tey para ulai kena jaboley nadiboley asey, Oking Hospital osor tey, itya para hudai din 09:00 AM aru 05:00 PM laga majetey, phat para effect tey loi kena.
Itu order toh hoiley, public laga interest tey issue kuria laga thakishey, tai para general public khan ke tai khan laga full cooperation extend kuriboley request kurishey, itu authority khan logotey, successful para itu order toh implement kuriboley karney.
Aru bhi ekta order tey, itu Deputy Commissioner para state kuria laga thakishey ki, gari khan bishi Kohima Town laga raasta kinar kinar khan tey authorize nathaki kena park kuria laga report paishey, kuntu para aha jawa kuria gari khan ke dikdari di asey. Aru bhal para traffic management thakiboley laga interest tey, itu Fira Hotel para Assamese Church tak laga raasta, Jail Colony, Ward 19 under tey, ekta “No Parking Zone” koi kena declare kuri di kena asey, sob din khan tey, phat para effect tey loi kena. Judi kunba manu khan itu order namani kena gari khan park kuri asey koiley, tai khan nijey laga cost tey para tai khan gari ke uthai kena loi jabo, aru tai khan toh hoiley Motor Vehicles Act, 1988 laga Section 179 under tey penalty dhaliboley lagibo.
Add Comment