October 16, 2023 : Itu Kohima laga District Planning & Development Board (DPDB) toh hoiley tai khan laga muhina laga meeting cum farewell programme loishey, itu outgoing Kohima laga Deputy Commissioner – Shanavas C, IAS laga, Kohima laga Conference Hall tey para, 16th October 2023 tey.
Outgoing DC Kohima laga Shanavas C, IAS para tai laga speech tey itu sob district officers khan ke thanks janaishey, alag alag department laga aru Kohima District laga manu khan ke, tai ke eman support kuria nimitey, alag alag achievement kuriboley para nimitey, tai laga tenure tey. Tai para koishey, itu toh hoiley itu officers khan para alchi nalagi kena effort diya nimitey asey, koishey, ekta team hisap thaki kena, ki, bishi important event khan aru development activities khan toh smooth para manage kuriboley parishey aru successful para achieve kuriboley parishey. State kuri kena ki, Nagaland toh hoiley itya bhi progress aru development toh lagi asey bishi jaga khan tey, Shanavas para itu members khan ke urged kurishey, aru bhi sincere kuriboley nimitey aru dedicated thakiboley koishey, tai khan laga duty khan toh meritocracy para execute kuriboley pariboley. Tai para itu bhi encouraged kurishey, itu officers khan ke, firm aru wise thakiboley decisions khan loa homoi tey aru dushman khan logotey compromise nakuriboley koishey. Tai para koishey ki, itu best toh hoiley aru bhi ahiboley baki asey aru members khan ke hudishey cooperate kuriboley, itu notun ahiboley thaka DC logotey, agey bari jaboley.
Add Comment