August 17, 2025, 07:51 PM: Kohima Liangmai Baptist Church toh hoiley, Prahtana laga Family Day celebrate kurishey, 17th August, 2025 tey, Isor laga grace aru blessing aru grace ke yaad kuri kena thanksgiving di kena. Pastor Rev. N.Silubo Zeliang para tai laga sermon tey, state kurishey ki, itu Christian home laga foundation toh hoiley, Christ Centredness asey aru ekta parivar toh hoiley, biblical principle khan tey para hoboley lagey, Isor laga Morom reflect kuri kena, kuntu tey Christ toh ultimate authority recognize kuria tey involve thakiboley lagey. Tai para mota (husband) aru maiki (housewife) laga role emphasize kurishey, tai khan bacha k eke dongor kuria laga, Isoe tey honour kuri kena. Tai para aru state kurishey ki ekta Christian ghor toh hoiley, morom, service aru communication ke prioritize kuriboley lagey, ekta space banaboley karney – healing aru spiritual growth laga, itu family crisis tey. Itu Prathana laga Family Day programme tey, Mr. Rutmakbo para preside kuria laga thakishey aru youth department para, church ke ekta meaning thaka laga ganna logotey enlighten kurishey. Itu programme laga Family din toh hoiley successful para khotom kuriboley parishey, tate refreshment bhi contribute kurishey, Dr. Amankhai aru tai laga bhai khan para.
Kohima Liangmai Baptist Church Para Prathana Thaka Laga Family Day Celebrate Kurishey
Add Comment