November 30, 2024, 05:20 PM : Itu Police Headquarters (PHQ) para media ke November 29, 2024 tey khata para koishey, itu traffic arrangement khan opor tey, itu Hornbill Festival nimitey, Kisama Heritage Village (December 1-10, 2024) tey, Key point khan di kena asey:
Heavy Gari laga Restriction khan: Eku bhi Heavy gari khan toh allow nakuribo Kohima tey, 07:00 AM para 10:00 PM bhitor tey; tai khan toh hoiley Peducha & Khuzama check gate khan tey bhi rukhi kena thakiboley lagibo.
Car Pass khan: Khali gari khan kun logotey car pass khan asey, tai khan itu Kisama laga Gate No. 1 tey para gushiboley paribo, Gari khan pass nabukhia khan toh, Kigwema laga public ground tey park kuriboley koishey.
Parking & Tow kuria laga: Gari khan kun toh hoiley illegal para park kuri kena asey, itu NH tey asey, itu gari khan toh hoiley uthai kena loi jaboley asey aru itu gari malik khan ke, Rs 500 fine kuriboley asey.
Drone Permission: Prior approval lagibo koishey drone operation khan nimitey, itu event hoboley laga jaga tey.
Carpooling: Visitor khan ke carpool karney encourage kurishey, traffic laga flow smooth hoboley.
Itu PHQ cooperation request kurishey, ekta safety aru organize kuri kena thaka event nimitey.
Add Comment