Kohima, 26 June 2025: International Day Against Drug Abuse and Illicit Trafficking June 26, 2025 te Kohima NHAK Auditorium te manai dishe. Etu program Kohima District Administration aru Project REST milikina organize kuri dishe. Etu sal laka theme ase “Breaking the Chain: Prevention, Treatment, Recovery for All.”
Program te Deputy Commissioner B. Henok Buchem koishe ki drug problem khan fight kuribo karone police, doctor, teacher, NGO, aru family sob ekta te kam kuribo lage. Tai koishe strict punishment aru good rehabilitation duijon milaile bhal hobo. Tai bhi young manu khan ke encourage kuri koishe ki recovery possible ase.
Additional SP Z. Tshurhosie Kajiri koishe ki police aru community milaile kam kurile result anibo pare. Tai koishe 2022 pora 2025 June tak Kohima district te 81 drug cases register kuri dishe aru 116 manu arrest kuri dishe.
Kezhosano Kikhi, DLSA pora NDPS Act janai dishe. Tai koishe drug user khan punishment pora bachi jabole treatment lobo paribo.
Ark Foundation pora Ketholelie Angami koishe ki latest danger drug Sunflower nishina bishi use kori ase aru young manu aru woman khan karone bishi support dorkar ase.
Dr. Sungtimen Jamir Project REST introduce kuri koishe, juntu free counselling aru help dibo karone ase drug recover kuri thaka manu khan karone. Program appreciation speech aru AA group pora ekta special music performance diya logot khotom hoishe
Add Comment