Kohima, 15 December: Saturday din kohima deh sob manu khan ahhikena NSCN-IM laga ekta leader, Khole Konyak morijaa ke last respect deya thakise. Manu khan ahha majode political leaders, Civil Societies aro general public be thakise. Wednesday din New Delhi jaga deh, insurgent group laga vice chairman toh jaga deh last sash lowah thakise. Kohima old MLA junction jaga deh Angami Public Organisation(APO) pora public funeral matha thakise. Duniya pora charijaa leader laga mortal toh 12:50 pm Kohima deh ponja thakise. Mon deh naloijaa agae deh late Khole ke laga mortal toh Wokha, Mokokchung aro Longleng deh loijabole ase.
Khobor hesab deh, 1928 sal Mon District laga Wangshu village deh johnom powah Khole Konyak toh 1956 sal National Service join howah laga ase. Tai 1981 pora 2011 sal tak naga army laga commander -in-chief thakise aro June 2011 sal NSCN (unification) laga president howah thakise. NSCN (u) pora chara bechide tai March 2016 deh mainstream deh join howah thakise. Etu bechide May 17 ,2016 deh, NSCN-IM laga vice-president juna thakise.
Add Comment