Kohima, 8 May 2025: SP of police, Kohima, press release te koise ki, 6th May 2025 din, Chiephobozou Police Station ekta robbery aru theft laga case te bhal progress kurise. Complaint 12th March 2025 din Nerhe Model Village para paise, junte ekta garage para car laga engine aru gear box chor kura laga report hoise.
Investigation bhal para kuri thaka para, 6th May 2025 din police panch jun manu ke arrest kuri lobo parise. Arrest kura manu khan identify kura hoise:
(i) Petekhrietuo (22 saal), (ii) Ruokuozhalie (24 saal), (iii) Neizasetuo (26 saal), (iv) Raj (25 saal), (v) Throngpise (25 saal).
Police laga initial enquiry te paise ki etu suspect khan khali car engine aru gear box chori te involved nahoi, kintu Chiephobozou Police Station jurisdiction te housebreaking kuri, iron materials chori kuri scrap dealer khan ke sell kura. Ekhon Jalukie area te bhi theft case te involved thaka paise.
Chiephobozou PS te etu case register kura hoise vide No. 0001/25, Bharatiya Nyaya Sanhita (BNS) laga section 305/3/(5) te.
Etu press release para, undersigned investigative team laga hard work ke appreciate kurise, aru public laga cooperation karone bhi dhanyobaad janai se.
Investigation lag aru update dibo.
Add Comment