Kohima, 26 August: Tuesday din (25th, August 2020) Power Grid Corporation of India Limited, NERPSIP (North Eastern Region Power System Improvement Project), Kohima para District Administration, Kohima ke PPE Kit, mask, gloves, sanitizing saman aro tusara kaam laga saman khan deshe.
Sh LA Sharma, GM(POWERGRID, NERPSIP, Nagaland) aro Sh. H K Chutia (Manager, POWERGRID, Kohima) para SDO(Civil),DCofiice, Kohima Sh. R. DanielAngami ke PPE kits aro tusara kaam laga saman toh deshe. Etu toh COVID-19 kelaaf fight te corporation’s CSR initiative laga part hisaab te motob deya laga ase koise. SDO(Civil),DC Office, Kohima para etu motob powa nemide ektum kushi powa janaise. CSR kaam toh POWERGRID par ola ase.
Tusara District officials aro POWERGRID employees toh etu program samai te thakise. Coronavirus pandemic para dekthari powa te komti koribo nemide, corporation para be Kohima te lockdown thaka samai te ration, khaa-lowa saman toh pashikena thaka labourers ke deshe koise.
Add Comment