KOHIMA,OCTOBER 29,2019:Samagra Shiksha Nagaland khan para Dr. Neilhouzhu Kire GHSS Seikhazou Kohima 29th October 2019 te State Level Kala Utsav loishe.Etu occasion te Director IPR, Limawati Ao guest of honor thakishe.
Limawati para tai laga address te koishe ki dance aro physical activity toh school te eki status thakibole lageh maths science aro dusra languages khan nishena.”Dance khan para joy aro stability dikdaar jeevan te restore kuribole paribo aro schools khan te tension khan komti kuribo kuntu toh violence aro bullying para disrupt kuri ase .”
Tai koishe studies khan te dikhaishe ki music para deemak bhal hobole aro neural processing hobole pareh aro etu students kun khan musical instrument khan chulai music khan huna manu khan logote milaile toh.
“Dreamz Unlimited”laga example loikena tai koishe etu group member s khan naam kaamai ase aro bishi popular ase Nagaland laga dusra juwan manu khan logote milaile toh.Tai aro koishe ki tai khan laga ekta youtube videos para one million views paar kurishe etu toh ekta dangor achievement ase ami khan hisaab te .
Tai koishe painting para manu khan ke asti hobole aro duniya ke janibole hikai aro etu para ek ek jun laga emotion janibole nimete modot kureh.
Tai para etu nimete sob stakeholders khan state education system te etu activities khan promote kuribole kotha kurishe aro etu activities uporte importance dibole kotha kurishe.
Kala Utsav toh Ministry of Human Resource Development (MHRD) laga intiative ase arts education te promote kuribole nimete secondary level te etu bi school students khan laga artistic talent bhal kuribole karne ase .
Kala Utsav toh ekta pioneering celebration ase art forms nimete school system te aro etu toh ongoing program nishena chuli thakibo.
District/State/national-level Utsav toh ekta art festival ase etu te performance aro display of exhibits etu logote tai khan laga online art project(e- project) thakibo.Kala Utsav laga design para students khan ke explore kurikena bujikena aro tai khan laga living art tradition (Music,Dance ,Visual arts aro crafts) khan te modot kuribo.Kala Utsav para students khan ke ekta opportunity dibo bujikena cultural diversity celebrate kuribo school district state aro national levels te.
Kala Utsav para khali students khan ke janaidibole ekla nohoikena India cultural heritage khan aro etu laga vibrant diversity dusra stakeholders khan majhotte janaidibole nimete ase.Aro bi etu para modot kuribo artist artisians aro institutions schools khan logote promote kuribole modot kuribo.
State Programme Co ordinator Kala Utsav Timothy Thong para Kala Utsav laga brief introduction dishe .Assistant Mission Director ,Samagra Shiksha Nagaland ,Chungngam Konyak para vote of thanks dishe .Aro etu program toh Assistant Mission Director ,SS Nagaland Liyalo Apon para program loishe.
Add Comment