November 19, 2025: Itu District-Level Padayatra para My Bharat-Kohima organize kurishey, itu Youth Resources aru Sports laga Ministry under tey, itu District Administration logotey coordinate kuri kena, kuntu toh hoiley Kohima College, Kohima tey para loishey, 19th November, 2025 tey loishey, unity laga message logotey.
Dr. Tseilhoutuo Rhütso, MLA para itu programme tey Special Guest hisap buhi kena grace kurishey. Tai para student khan ke encourage kurishey, nijey ke ekta tribe laga nahoilebi itu jaga laga citizen hisap nasaboley koishey, hoilebi ekta future “international citizens” hisap saboley koishey, dangor aru inclusive perspective khan logotey.
Rhütso para tatey jama thaka manu khan ke, tai khan laga ama-baba aru elder khan para sacrifice kuria laga remind kurishey, itu jawan generation khan laga education nimitey.
Tai para student khan participate kuria thaka khan ke naam uthai dishey, India laga unity nimitey march kuriboley laga , aru tai para sob ke encourage kurishey, itu spirit toh ghor tey bhi loi jaboley koishey, hudai ‘unity, shanti, aru Naga manu laga prosperity’ nimitey march kuri kena.
DC Kohima, B. Henok Buchem para student khan ke address kuri kena, koishey, itu occasion toh hoiley ekta meaning thaka homoi asey, itu public service aru community responsibility pichetey thaka purpose opor tey reflect kuriboley.
Tai para Patel laga bhal kotha khan reflect kuria share kurishey: “Ek jon manu toh sob toh kuriboley napery, hoilebi ek jon manu toh kiba toh kuriboley parey”., itu opor tey share kurishey.
Add Comment