February 24, 2025, 05:10 PM: Itu India laga Reserve Bank laga Financial Literacy Week 2025, Nagaland nimitey toh hoiley, Kohima laga Hotel Vivor tey para inaugurate kurishey, General Manager & Officer-in-Charge, Paresh Chauhan para 24th February, 2025 tey. Itu function tey toh hoiley Kohima laga SBI laga AGM – Makuni Thaimei, Nagaland Rural Bank laga Chairman – Velayutham S, Meriema, Meriema, Tsiesema Bawe and Tsiesema Basa aru Thizama laga Project Runway India HM Pvt. Ltd. SHG Members (NSRLM) laga Director – Nengneithem Hengna, NSRLM laga representative khan, alag alag bank khan aru CFL khan attend kurishey.
India laga Reserve Bank para toh hoiley Financial Literacy Week (FLW) observe kuri kena ahi asey, hudai saal, 2016 tey para shuru kuri kena, kuntu toh hoiley 24th para 28th February, 2025 tak, itu initiative kaga 10th initiative mark kuri kena.
Itu Financial Literacy Week laga objective toh hoiley manu khan bhitor tey awareness punchaboley karney asey, key financial topic khan opor tey, campaign khan kuri kena. Financial literacy para manu khan ke aru ghor khan ke empower kurey, tai khan laga poisa khan effective para manage kuriboley karney, tai khan laga future nimitey plan kuriboley aru inform thaki kena aru responsible financial decision khan banaboley karney, kuntu para toh hoiley financial phaney bhal hoboley pari jai.
Add Comment