November 24, 2023: Kohima laga Deputy Commissioner – Kumar Ramnikant para toh hoiley ekta circular issue kurishey itu koi kena ki, itu ahi thaka laga festive season nimitey, ekta mass social work toh hoiley conduct kuriboley asey Kohima Town tey, 28th November, 2023 (Wednesday) tey, 6:00 Am para 9:00 Am tak, tatey sob itu district officers khan involve thaki kena Kohima tey, Kohima Municipal Council (KMC) aru Kohima Chamber of Commerce & Industries (KCCI) khan.
Itu circular tey sob participants khan ke lagi thaka saman khan aniboley koishey itu social work kuriboley nimitey, kuntu toh hoiley jharoo, dust pan, dao khan nishina. Itu Team leader khan toh ensure kuriboley lagibo ki, garbage khan toh thik thak para jama kuri bhal para dispose kuria laga, KMC dumping site tey. Itu bhi informed kurishey ki, KMC toh hoiley Mass Social Work toh initiate kuribo colony khan tey/ Ward khan tey. Additional Deputy Commissioner Kohima – Rhosietho Nguori toh hoiley itu kaam khan laga pura in charge thakibo. Judi kiba hudiboley thakiley toh, itu concerned manu ke call kuriboley koishey, itu 9612581203 phone number tey.
Add Comment