June 18, 2021.Tripura Tribal Areas Autonomous District Council (TTAADC) laga notun elected body para fesla loishe ke, Kokborok language popularize koribo nemite government offices para eku order ahibo, tai khan para manibo koishe aro etu kotha toh government officials aro indigenous manuh pithor te communicate hoboli asani hobo koishe. TTAADC laga additional chief executive officer, Khumulwng para June 9 darik te memorandum hesab te Kokborok toh Tripura laga official language ase koikena January 19, 1979 saal te Tripura Gazette notification hesab te junaikena ase. Wednesday din etu memorandum toh public logot janai thishe koishe. “Kokborok toh official language ase koikena popularize koribo nemite aro TTAADC administration aro manuh khan pithor te communication nemite, Kokborok para application lika toh TTAADC laga office sob te maniboli lage,” koikena memorandum te janaishe. TIPRA chairman & member of district council Pradyot Kishore Deb Barma para notun council khan laga fesla te kushi paishe koikena janaishe. TTAADC administration para olop din akhe te Council Bhawan (Kok Chap Nok) kotha Bengali toh English te puli korikena ase. Olop din akhe Deb Barman para junaishe ke, novel coronavirus logot larai koribo nemite tai laga ek saal salary toh donate koribo aro etu poisa toh dosura developmental kam nemite be jolaboli koishe. TIPRA & Indigenous National Party of Twipra (INPT) khan para puila tribal council election te besi tangor para jetishe, 30-member council pithor te tai khan 28 seats te 18 seats para jetikena ase.
Kokborok toh TTAADC laga official kotha hoishe
