Kolkata: BJP office osor te 54 crude bombs paishe

Kolkata: Saturday rathi asorit khobor ekta te, Khidderpore aro Hastings southern fringes crossing te Kolkata police para 54 crude bombs paishe koikena khobor para janaishe. Etu bombs toh BJP office para 20 metres neshina jaikena thakishe aro khobor hesab te etu bombs toh election samai jola ase koishe. Police khan para bombs laga hosa khobor toh roki ase, hoilebi, local manuh khan para koishe ke, etu 54 crude bombs toh fruits packing kora 4 sacks te thakishe koishe. Etu jaga toh bazaar kora jaga ase sacks toh packing kora boxex para bondh korikena saboli fruits neshina thakishe. Hastings police station para Police, bomb squad aro anti-rowdy section officers khan jaga te toh ahikena bombs toh morai-thishe koishe. Police para officially khobor toh janai thiboli ase hoilebi senior officials para kowa toh hoile, etu bombs toh crude ase aro jodi etu putishe koile besi tangor jokom paboli thakishe. “ami khan para bombs toh etu jaga te keneka ahishe investigation jai ase. CCTV footage toh be sai ase,” koikena officer para khobor toh janaishe.