Kolkata Intl. Film Festival te Khasi movie ‘Nabon’

Shillong | Oct 29, 2018: Kolkata International Film Festival te bhaagh lobole nimete sob manu rukhi thaka Khasi film “Nabon” ke loishe.Etu film festival toh  November 11 pora 17 tak lobole ase .Nabon toh ekta film ase KJP Synod Sepngi pora ola toh Multimedia Ministry laga banner bithor te  .Etu toh sobse akhe wala film  festival ase  etu film ke luwa bhaagh lobole nimete .Aro bi khobor te janaa hisaab te  Kolkata International Film Festival toh  Department of Information and Cultural Department of West Bengal Government khan pora lobole ase.Alag alag jaka  pora film khan etu weeklong festival te dikhabole ase. Unheard India: Rare Language Indian Film Section category te Nabun toh bhaagh lobole ase .Aro etu film toh  November 13 5.15 pm te dikhabole ase .Aro khobor te janaa hisaab te etu film laga   bonai khotom hoishe  aro etia tayar hoishe  movie theatres khan te olabole nimete .Etu akhe wala khasi film ase  cast khan bishi thaka toh  aro etu film te komti hoilebi 250 actors ase kun khan etu film te act kurishe .Etu film laga actors khan toh Khasi aro Jaintia Hills laga alag alag jaka pora ase.Etu film laga kun ba part khan toh Sohra laga alag alag jaka te bonaishe .Etu film bona manu khan pora Sohra 170 sal akhe kinika thakishe enika bonabole kosish kurise .Etu film laga kisaa toh asol te huwa chamela te ase aro etu logote ekta juwan chokri  kun laga naam Nabon Sawain Mawmluh Sohra laga ase.Etu film te dikhai tai  kinika Wales pora aha Christian Missionaries khan logote kotha kureh aro etu pora tai laga jeevan kinika bodli hoi.