Kolkata laka Anish Saraka sobse youngest rated chess prodigy hui shae

November 3, 2024: Khali 3 years, 8 months aro 19 days deh, Anish Sarkar, north Kolkata para ase, tai sobse youngest rated chess player hui nah history banai shae. Anish para taila passion tho chess laka dunia deh pai shae. Ekta journey kuto ek sal agae shuru hui shae. January 26, 2021 din deh jonom hui nah, chess circuit deh taila rise tho bishi bhal taki shae. Anish laka competitive debut tho October mohina deh shuru hui shae, West Bengal state deh. Taila debut tho Under-9 Open deh taki shae. tateh tai para aatha rounds deh 5.5 points score kuri shae. Tai param tuita rated players keh harai di shae ari overall 24^th place pai shae. Tai etu piche deh state Under-13 Open deh compete kuri shae aro tai lokot deh b bura aro experienced taka opponents keh challenge kuri taki shae. Etu match para FIDE laka requirements keh mili shae. Mila tho tai laka initial FIDE rating 1555 secure kuri shae. Taila achievements enaka taka tho, manu kan taike India laka second Grandmaster (GM), Dibyendu Barau lokot deh compare kura shuru hui shae, kun taila coach ase. “Anish lokot deh potential ase, hoile b tai itia b dur jab oleh baji nah ase,” Barua para kui shae. Anish tho ekta low-middle class background para ahi shae aro taila ama, baba taijun b chess laka eku jana taka nai. Enaka taki nah b Anish laka journey tho julti shuru hui shae. Taila ama para tai kinaka YouTube deh chess video kan sai taki shae, etu yat kuri shae. Enaka diki tho tai karne ekta chess board kini shae. Dhanuka Dhunseri Dibyendu Barua Chess Academy deh Barua para guide kuri nah, Anish tho itia ek din deh aath kanta practice kureh.