Kolkata rape and murder case: Accused laka phone deh porn pai shae

August 11, 2024: Kolkata laka ekta state-run hospital deh ekta post-graduate trainee doctor laka body pai nah tui din piche deh, accused para crime tho confess kuri shae, News18 para report kuri shae. Accused keh ekta 14 day police deh patai di shae, Bharatiya Nyaya  Sanhita sections 64 (rape) aro 103 (murder) laka charges pitor deh. Report isap deh, police kan para accused laka phone pitor deh ekta porn video pai shae. Accused tho hospital deh easy access taki shae, taike tho ekta ‘civic volunteer’ hobo leh hire kura karne. Report laka isap deh, accused tho earphones lakai nah hospital deh gusa diki shae, Friday din laka 4am deh. Hoile b premises laka bahar jah time deh , tai taila earphones chula taka nai. RG Kar Medical College laka seminar hall deh ekta jawan doctor keh semi-naked state deh pai shae, Friday morning din deh. 28 sal laka victim tho ekta second year student taki shae, respiratory medicine department deh. Autopsy report para maike keh namurai time deh, taike sexually assault kuri shae kui nah indicate kuri shae, Report laka isap deh, taila suku aro muk tuita para b khun olai taki shae aro taila shakal, nails, belly, left leg, neck, right hand, ring finger aro lips deh pura jokom taki shae. Victim laka private parts para b khun olai taki shae, autopsy report para kui shae. Alak alak state-run hospital laka students aro doctors kan incident upor deh dangor protest aro sit-ins kan conduct kuri shae. Saturday din deh, Indian Medical Association (IMA) para ekta strong statement issue kuri shae. Taikan para immediate action demand kuri shae aro demands kan 48 hours pitor deh namileh leh tho nationwide protest hobo kui nah warning di shae.