New Delhi: Kolkata te aji pujur BJP MP Arjun Singh laga ghor te tinta(3) bombs thali-thishe, hoilebi etu samai kaun manuh be jokom powa nai koishe. BJP Chief Dilip Ghosh para koishe ke, etu kam toh Bengal’s ruling Trinamool Congress laga kam hoboli janaishe. Etu bombs toh Jagatdal te BJP MP laga ghor te Kolkata para 100 km jaikena thaka te thalishe aro etu kam toh bike ekta te tin(3) manuh para ase. Etu hatsa toh 6.30 am samai thakishe koishe. Video hesab te bomb toh MP laga gate te thalikena jowa thikishe aro etu samai kaun manuh be jokom powa nai. Arjun Singh toh Delhi te thakishe aro etu hatsa nemite eku kotha nakoikena thakishe, aji tai Kolkata te wabas ahiboli neshina ase koishe. Governor Jagdeep Dhankhar para Bengal te “wanton violence” ase janaishe aro tai para Chief Minister Mamata Banerjee logot bapana thaka toh janaishe. “West Bengal te Wanton violence nemite eku sign nai, aji pujur Member Parliament Arjun Singh laga ghor bahar te bomb putishe aro Bengal Police para etu hatsa toh sai ase. Tai laga security issue nemite amataOfficial logot janiakena ase,” koikena Mr Dhankhar para janaishe. Trinamool Congress para koishe ke, bomb hamla toh Bengal BJP’s pithor te jamila thaka nemite thakibo janaishe. Arjun Singh toh Trinamool MLA thakai jarikena, tai 2019 saal te BJP joined korishe aro general elections samai Barrackpore parliamentary constitutency para kamyaab hoishe. Bhatpara – Jagatdal jaga toh tai laga ase aro etu jaga te Bengal elections thaka beche te be Trinamool aro BJP jamila olai thaki koishe.
Add Comment